اول بيان للجمعية في اول انطلاق فعلي لها

طريقنا إلي النهوض بكوم النور و عمل الخير و تنمية التكافل فيما بيننا
فتعالي معنا و ساهم بوقتك أو بعمل الخير أو بكفالة يتيم أو بالتبرع ؟؟؟
قال المولي عز و جل " فاستبقوا الخيرات "
**تعالي نتخيل سويا لو موجود عندك و عندي شوية هدوم ( ملابس ) قديمة أو صغرت علينا أو الموضة بتاعتها فاتت و الدولاب بتاعك مش مستحملهم و مش لاقي مكان تحطهم فيه ,,, ممكن نعمل بيهم اية ؟؟؟؟؟
** طيب لو عندك كيس سكر أو كيس أرز فايض من التموين الشهر دة طبعا هتشيلة للشهر الجاي ؟؟؟؟؟
** و كمان لو عندك كتب قديمة أو كراريس قديمة أو ورق جرائد قديم و مش عارف هتعمل بيه إيه ؟؟؟؟
** عاوز تعرف أنت و أنا و هو و هو ممكن نعمل إيه ؟ أنا ممكن أعرفك ........
أولا :- الملابس القديمة ..
الملابس القديمة اللي أنت و غيرك مش محتاج ليها في غيرك محتاج ليها إحنا هنجمعهم و هنغسلهم و نوزعهم علي الفقراء و المحتاجين للمساعدات فعلا و بكدا تكون ساهمت في كساء مسلم و سترته و مش كدا و بس لا ده كمان تتخلص من الزحمة اللي الملابس دي عملاها في الدولاب .... مش كدا ؟؟؟؟
و الباقي منهم هنعمل معرض للملابس القديمة تباع فيه هذه الملابس بسعر رمزي جدا جدا منها نساعد أصحاب الدخل البسيط في كساء أبنائهم و في نفس الوقت ندخل مبلغ من المال نقدر نعمل بيه حاجة للبلد .... مش كدا ؟؟؟
ثانيا:- كيس السكر أو الأرز....
كيلو الأرز دة أو السكر أو حتى الزيت أو الدقيق أو المكرونة ممكن نعمل منها شنطة و نسميها شنطة الخير و كل واحد فينا يساهم فيها باللي يقدر علية مهما كان صغير لأننا هنجمعة و ونحاول إنها تكون شنطة شهرية إن شاء الله للفقراء و المساكين و اليتامى و بكدا نكون ساعدنا بعض و نبطل نقول ياعم إحنا مالنا هو إحنا اللي هنغير الكون هقولك آه و ألف آه أنا و أنت و هو و غيرنا كتير لو فكرنا نعمل أي حاجة و اتفقنا عليها هنقدر بمشيئة الرحمن البلد اتغيرت و لازم إحنا كمان نتغير و نحاول نصلح من أنفسنا .. مش كدا ولا إيه ؟؟؟؟
كلنا متأكدين إن كوم النور و أهلها جواهم خير و خير كبير جدا بس إحساسك بالتعاطف مع الناس مش كفاية لازم نتفاعل مع بعضنا البعض حط أيدك في أيدينا و ويلا شارك معانا بأي شيء تقدر علية و لو حتى وقتك لو عندك وقت فاضي و بكدا نقدر ننهض ببلدنا كوم النور و من هنا أطلقنا علي جمعيتنا النهوض بكوم النور
و عن ابن عمر رضي الله عنة ان رسول الله صلي الله علية و سلم قال " أحب الناس إلي الله انفعهم للناس و أحب الأعمال إلي الله عز و جل سرور تدخله علي مسلم أو تكشف عنة كربة أو تقضي عنة دينا أو تطرد عنة جوعا و لأن أمشي علي أخ في حاجة أحب إلي من أن أعتكف في هذا المسجد شهر و من كف غضبة ستر الله عورته و من كظم غيظه و لو شاء يمضيه أمضاه ملأ الله قلبه رجاء يوم القيامة و من مشي مع اخية في حاجة حتى تتهيأ له اثبت الله قدمه يوم القيامة "
زى ما مصر اتغيرت لازم نغير كوم النور هي كمان بس للأحسن و لا انتي عندك رأى تاني ؟؟؟؟

للمشاركة أو التبرع بالملابس أو الورق أو أي شيء نرجو الاتصال علي الأرقام التالية:-
أ / هيثم – 0141410642 - أ / أحمد – 0128186515 - أ / وليد - 0124163635
أو التوجه إلي مقر الجمعية المؤقت في شارع سمري بمدخل كوم النور