مشروع رصف الطريق الخارجي و الداخلي للقرية

ربنا يوفقكم لما فيه الخير للنهوض ببلدنا كوم النور

الى المدير العام للموقع احب اوضحلك بعض النقاط
اولا هو الطريق دة طولة وعرضة قد اية ..........؟
تبدء تحسبها ازاى او كام يتكلف الطريق على الاقل قوى الوصلة من عند مستودع البوتاجاز الى مدرسة الشهيد يحيى الادغم . نقول مثلا ان الطول حوالى 1500متر مثلا فى عرض 6متر يبقى بالتقريب حوالى 9000متر قول 10000متر مسطح هياخد طبقة سن6 سمك 20سم بعد الدمك يعنى بالتقرييب المتر المكعب يفرد 3.5متر مسطح يعنى 10000على 3.5 حوالى 2900متر مكعب سعر المتر المكعب 60جنية وصال
الاجمالى للسن 147000جنية بالتقريب مصنعية فر المتر المسطح حوالى 5جنية يبقى 50000جنية يبقى احنا كدة وصلنا ل20000جنية نيجى لطبقة الاسفلت خليك هتعملها 6سم يعنى المتر المكعب يفرد 13 متر مسطح يعنى احنا هنحتاج حوالى 770متر مكعب خلطة اسفلت المتر مكعب بالتقريب يوصل 480جنية يعنى اجمالى 370000جنية والمصنعيات 50000جنية يبقى اجمالى تكلفة 1.5كيلو فى عرض 6متر هى 620000جنية يعنى المتر يتكلف من 60الى 65 جنية (المسطح )
طبعا الاسعار دية قد يكون مبالغ فيها ولكن الطرق بتتكلف وهنا يتبادر سوءال الشركة اللى كانت ملزمة برد الشىء لاصلة كان البند الخاص برد الشىء لاصلة بكام طبعا الشركة راسى عليها العملية من حوالى سنتين او ثلاثة كان المتر الاسفلت ايامها اكبر شركة تنفذها بطبقة السن بكلة ب30الى 33جنية
عرفت لية هما ماردوش الشىء لاصلة اتمنى اننا نقدر نعرف مين اللى استلم منهم ووافق على استلام المشروع
احب اقول للمدير العام عايز تعرف حقك ارجع الى القانون رقم 89لسنة 1998 والخاص بالمناقصات والمزايدات وانت رجل قانون تعرف تجيب حقنا

استكمال الموضوع سوءال برىء جدا البلد صرفت كام ايام الانتخابات (المرشحين )
كل واحد يقولك انا مرشح نفسى من اجل البلد من اجل خدمة البلد .................الخ
طيب احب اقولك ان فى ناس فى البلد يستطيعوا انهم يرصفوا البلد بالكامل على نفقتهم الخاصة .
اقولك فى ناس فى مراكز تستطيع انها تحرك قرار رصف البلد ولكن الناس دية مابتعملشى كدة لية ؟ عشان فلان وفلان وفلان مش هيبطلوا كلام واحنا عملنا وسوينا ومش هيسبوا حد فى حالة
افكرك بنقطة صغيرة جدا بخصوص المستشفى اللى انتم بتتكلموا علية عارف مين اللى وصلة للحالة اللى هو عليها الناس اللى شغالة فية عشان يقدروا يروحوا وييجوا براحتهم خالص عايز تعمل اى حاجة فى كوم النور حاول الاول توعى الناس وتعرفهم يعنى اية البلد ويعنى اية ان انت بتاخد مرتب على شغل ولو مش عاجبك المرتب سيبة للى ممكن يقتنع بية انما انا بشتغل على قد فلوسهم يبقى حرام عليك احب اقولك لو ظللت استرسل معاك فى الكلام هنوصل لنقطة واحدة هى اية
ان الناس لازم تعرف ربنا وتخاف منة عشان تراعية فى شغلها
بس خلاص الموضوع انتهى

اولا مجهود رائع يا استاذ اشرف كده ممكن نشتغل فى الرصف بهذه المعلومات القيمه يا مهندس
ثانيا عاوزين نعرف مين يساعدنا فى هذا الموضوع ومين الذى يشتغل من البلد ويقدر يساعد فى هذا الموضوع
نرجوا الافاده والتوضيح وشكرا